2011-11-23

مصر فى عيونهم



الصورة دى لاقيتها أثناء تجولى على موقع الفيسبوك

بجد تعتبر أكتر صورة معبرة من وجهة نظرى

الكل شايفها بعينه

أو بمعنى أصح شايفها زى ماهو عاوز يشوفها

يا ترى أنت كمان شايف مصر إزاى فى خلال هذه المرحلة ؟؟








بقلمى ديارا

2011-11-22

خربشات دياراوية


عاوزين منك ايه يا مصرى بعد ما دمك ما مصوه .....وبعدين

جابوا من بره دم ولوثوه....
وعلى قفاك وياما ضربووووك ...وأكلك وشربك
سمموه....أصرخ يا مصرى وحقك لازم يرجعوووووه ....
.........................................

مسلسل ما زال يتكرر بعد كل مليونية ......دم يراق
...وتخويننا لبعض يزداد....وأحكام عسكرية..تقام
والفاعل ما زال مجهولاً......!!!!!
................................

يا وطنى دمى فيكى رخيص ....ولما أطالب فيكى بحقى
يقولوا عليا بلطجى وابن ايه ..

.........................

يا مصر بسألك أنتِ رايحة على فين ..........بس الظلم 

أخرسكِ ومش طالعلكِ صوووووت
طب فين الكمسرى بتاعكِ وأنا أسئله وأشوف نهاية سكتى 
فين ......
.....................................

.......................


عشان خاطرك يا مصر

أنا ضحيت بعيونى عشانك .....يااريت يامصر تشوفى اللى
  خانك وباعك


  1. أحمد حرارة....................فقد عينه اليمنى يوم 28 يناير
    ، ثم كان فقده العين الأخرى 19 نوفمبر في أحداث ميدان التحرير. ...


 .............................. 

يا مصر

 هو كتييييير عليا انى احس انى ابنك .....انى بنى ادم فى

 ارضك ...ولا انكتب عليا ان اعيش متهان ...وصوتى أخرس
 واللى عالى هو البهتان
يا مصر انتى أمى ....يعنى أنا غصب عن عينك ابنك ومن 
دمك

 حبينى يا مصر يا للى حبك جوايا قرب يتهدى وينام
^ـــــ^

.............................


مصر تدور فى دائرة مفرغة..........................طب فى اشكال هندسية تانية هى مش واخدة بالها ليه .......!!!!
....................


وما زال التليفزيون "اللامصرى " .............يستهزئ


بالمشاهدين 
..................................


لو كانت الفتنة رجلاً .....
لقطعته إرباً ووضعته فى أكياس سوداء وكنت كمان رميته


للكلاب ........^ـــ^
..........................

أدوات منزلية .....من أدوات مطبخ ...أجهزة كهربائية....فاكهة
....خضار......أدوات سباكة .....أدوات نجارة....وسائل مواصلات  
.كل اللى نفسك فيه .....
فى
الرموز الانتخابية ...........هتلاقيه .....أعرف مرشحك ورشحه من رمزه المفيد وطعمه حلوووووووووووووووووووو بالنسبة لك ^ـــــــــ^
انتخابات البرلمان 2011-2012 .........آخر 25 حاجة :))
..............................


الأيام بتجرى أأأأأأأأأأوى ....ولا أجدعها توك توك فى الحتة ^ـــــــ^
..................

 بقلمى ديارا




يا ليتها ...!!




قصة حب لم تكتمل...
هكذا بدأت حديثها معى والدموع كادت ان تخترق عيناها الواسعتان ...

بدأت تكمل حديثها بصوتٍ خافت ....نعم أحببته ...لقد وجدته ...وجدت نصفى الآخر...لقد ألقى به القدر إلىّ صدفة...وما أصدقها من صدفة 
سكتت.....وبدأت تقوووووول بعد أن سال الدمع الحارق على خدها الوردي  .......
"ولكن القدر لم يشأ لقصتنا أن تكتمل "
هكذا انتهى حديثى معها ...وذهبت بعيداَ عنى  وهى تردد لم تكتمل ....لم تكتمل ....


 

ذهبت أنا الأخرى فى الاتجاه الآخر مرددةً ....ياليتها اكتملت ..................ياليتها 



بقلمى ديارا


2011-11-21

يارب ريما.....لا تعود

خايفة ترجع ريما لعادتها القديمة

وكأنك يا أبو زيد ما غزيت

يااااااااااارب أحمى مـــــــــــــــــــــــــصـــــــــــــــر
 و

احفظ شعبها من كل الحاقدين واللى عاوزين مصلحتهم وبس
بقلمى ديارا



2011-11-18

مع نفسى

صعب جداً أن لا تجد من يفهمكـ فى هذه الحياة الواسعة

الأصعب أن لا تفهم أنت نفسكـ



كتير مننا مش بيفهم نفسه أو بمعنى أصح مش بيحاول يفهم نفسه
بحس بغباء أوووووى وأنا بحاول أفهم نفسى دى
ربنا يهديها ويهدى كل النفوس علينا
اللهم آآآآآآآآآآآآآآآآآآآآآآآآآآآآمين

بقلمى ديارا

أكسير الحياة

قرأت لكم هذه الكلمات الذهبية ....فقررت أن أنشرها فى مدونتى ...لأنى أعتقد أنها هى أكسير ( الرحمة ) الحياة
فلنــــــــــــــــــــــــــــــــــــــــــــتراحم فيما بيننا

الرحمه للمنفلوطى
لو تراحم الناس ماكان بينهم جائع
ولا عار ولا مغبون ولا مهضوم
ولأقفرت الجفون من المدامع
ولاطمأنت الجنوب في المضاجع
... ولمحت الرحمة الشقاء من المجتمع
كما يمحو لسان الصبح مداد الظلام



أيها الانسان




ارحم الأرملة التي مات عنها زوجها
ولم يترك لها غير صبية صغار ودموع غزار
ارحمها قبل أن ينال اليأس منها
ويعبث الهم بقلبها فتؤثر الموت على الحياة

ارحم الزوجة




أم ولدك وقعيدة بيتك ومرآة نفسك
وخادمة فراشك لأنها ضعيفة
ولأن الله قد وكل أمرها اليك

ارحم الحيوان





لأنه يحس كما تحس ويتألم كما تتألم
ويبكي بغير دموع ويتوجع ولا يكاد يبين


أيها السعداء




أحسنوا الى البائسين والفقراء
وامسحوا دموع الأشقياء
وارحموا من في الأرض يرحمكم من في السماء

قرأته لكم
ديارا

2011-11-17

حروف كيبوردية


عآلَمُ ُ افترآضي
.....
نعيش فيه .......نحب ....نكره......نشتاق

.......تنبض قلوبنا


بحروف كيبوردية نعبر عن ما فى قلوبنا ........
عندما يرحلون عنا نكتفى بعمل بلوك لهم فى هذا

العآلَمُ ُ الافترآضي

لكن مازالوا فى قلوبنا يسكنون ......:(


بقلمى ديارا


مجرد سؤال


إذا كان العرى والرذيلة هى الحرية التى ينادون بها .......

فسحقاً لها.......ولمن يريدونها

ينادون بالتعرى ...على أنها حرية ولا بد أن نحترم
حريتهم

...ويرفضون الحجاب وتغطية المرأة لوجهها لأنها تضايق
حريتهم

..أى حرية هذه ؟؟؟؟

بقلمى ديارا

2011-11-16

الثورة مش فانوس




إبتسم من فضلك أنت

 فى مدونتى


ناقصنى أنى أقدر أطير
بيقولك
مرة 

واحد مصرى دعك الفانوس طلعلوا العفريت قاله تطلب ايه قالوا نفسى فى شقه وحياة

ابوك !! .

.
.
.
.
... .
.
.
.
.
.
.
.
.
.
... ...
.
.
.
.
.
.
.
.
.


. العفريت رزعه قلم وقاله وانا لو لاقي شقة كنت قعدت في الفانوس.^_^ ههههههههههههههههههههههه



تصدق بإيه لولا أنى عارفة أن مفيش حاجة أسمها فانوس سحرى
أنا كنت صدقت النكتة دى وقولت آه والله بتحصل :)

أهو إحنا دلوقتى عاملين زى أخينا ده .....فجأة كدة إفتكر أنه حصل على الفانوس السحرى ....اللى هى الثورة وعمّال يدعك فيها ....كل شوية يطلع العفريت يرزعه كام قلم
.......^ـــــــــــ^........

لحد مايفوووووووء ويعرف أنه مفيش حاجة أسمها فانوس سحرى ومفيش مارد بيطلع ولا حاجة
دى أساطير وحواديت بيضحكوا 
كانوا

بيها علينا واحنا صغيرين
.....

المارد الحقيقى جوااااااااااك أنت
والفانوس السحرى هو أنت
بس محتاج ينضف من الغبار اللى عليه
حاول أنت
حقق أحلامك بنفسك
هتتعب فى البداية
بس
فى الآخر هتووووووووصل

أيوة منكرش أن الثورة هى بداية الطريق
لكن الطريق لسة طويل
إبدأ بنفسك .....إخلص فى شغلك .....قاوم الرشوة وحاربها
عامل الناس كويس ....أكيييد هيعاملوك كويس
صحى ضميرك اللى واخد منوم من زماااااااان أأأأأأأوى خليه يفووووووء

وبإذن الله هنوصل
ومصر بينا هتبقى بكرة أأأأأأأأأأأأأأحلى
 قال الحق تبارك وتعالى 
((إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنفُسِهِمْ))[الرعد:11] 
صدق الله العظيم

بقلمى ديارا


ناقصنى أنى أقدر أطير



ده اسم مدونتى.....اللى اخترته بعد تفكير..وأخيرااا بعد قراءتى لكلمات  حستها  أووووووووى لـ عمر طاهر قررت أسمى مدونتى كدة 


تــعبـان
حاسس ف قلبى حمل جبل
سهران
وازاى أنام وأنا عندى ملل

عندى صحيح حاجات كتير
لكن ناقصنى حاجات أكتر

ناقصنى انى أقدر أطير
وانا عارف انى فى يوم هاقدر

عندى قمر باسهر وياه
عندى ميعاد وحبيبى لغاه
وعندى أفكار لحياة
ممكن تغير طعم الكون

وأجمل ما عندى ايمان بالله
وباقول يارب تكون ف العون

أصل الحياة أصعب حاجة
ع اللى ماعندوش غير احساس

الناس لبعضها محتاجة
وأنا لسه عندى أمل فى الناس

لــِ
عمر طاهر

...............................

مش أنا بس اللى ناقصنى أنى أأأأأأأأأطير
لأ ........أنت كمان لو بصيت جواك هتلاقى أنك بتحلم أنك تطير
كلنا أكيييييد عاوزين نطير من الفرحة
عاوزين نطير لأشخاص سبونا ورحلوا
عاوزين نطير عشان نشعر بحريتنا
عاوزين نطير ونلف العالم
أأأأأأأأأأحلى حاجة بقى لما تلاقى حد من أصدقائك يبعتلك صور خاصة بحلمك ده ...طيران ...أجنحة ....
 فيديو حلووووووو معبر عن حالتك  دى
شئ راااااااائع لما تلاقى حد بيشاركك حلمك ده
أخر فيديو وصلنى من صديق لى على الفيسبوك
عجبنى جداااااااااا وأتمنى  أنه يعجبكو





بقلمى ديارا

2011-11-15

ستارة بلكونة

وأنا ماشية امبارح فى حتتنا .........لاقيت جارتنا شالت ستارة بلكونتها وحطت ستارة جديدة ...
بصيت على الستارة الجديدة لاقيتها متقسمة على تلات ألوان :
أحمر شديد الاحمرار
 ..من كتر دم اللى ماتوا بينقط نقط حمرا على الارض
أبيض
باهت مايل للسواد مش معلوم ملامحه من عدم نقاء بياضه ...كان فى طائر اتخنق من
الدخان

أسود
 ....شديد السواد من كتر الفساد  زى الليل اللى مفهوش بدر منور

ندهت عليها وقولتلها
مهو لإما تشيله وتجيبى واحد غيره جديد
 لإما بلاش توجعى قلبنا وشيله ربنا يسترك يا خالتى

بتمنى يا مصـــــــر علمك يرجع يزهزه من تانى
الاحمر ..آه يبقى زاهى عشان يسجل دم كل اللى مات عشانكِ
 والابيض فيه يبقى ابيض من بياض التلج مستقبل مشرق ....بينا هتبقى أأأأأأأأأحلى 
وأسوده يستريح شوية والفساد فيكِ يختفى 




بقلمى ديارا 

2011-11-14

مش عارفة ليه ؟؟


مش عارفة ليه ؟؟
كتيييييييير من الحاجات بحبها بس مجربتش أنى أعملها .....!!
مش عارفة ليه مش بعملها ....أو ليه محاولتش أنى أجربها .....
من الحاجات الكتيييييير دى ....

بحب الرقص تحت المطر .......بس مجربتوش بس بحب احساسه اللى نفسه أعيشه فى لحظة


بحب الباليه المائى .....وبحب إحساسهم بالحرية هم وبيعملوه بس مجربتش 



.....بحب أأأأأأأأوى  الباليه وحلمى أنى أكون فى أحد عروضه ...بس مجربتش 





بحب البالونات أوووووووووووى ....بس مجربتش أنى أنفخ بالونة ...




بحب أووووووووووى التانجو ....بس مجربتش أرقص 

 


بحب الطيران وبعشقه ....وكنت أتمنى لو ليا جناحين ...بس مجربتش أنى أأأطير 




بحب السفر حول العالم ....بس مجربتش أنى أسافر 



وغيرها من الحاجات الكتييييييير أأأأأأأوى اللى بحبها ومش بجرب أعملها


ومش عارفة ليه ؟؟



بقلمى ديارا

دعوة ...ولكن



أصعب وأقسى جمله  قرأتها حتى وإن كان فيها الكثير من الخير لى :


مُنْذُ دَعَوتُ رَبّي أَنْ يُبْعِد عَنّي كُلَّ شَر ..

إِخْتَفى أَلكَثِيرونَ مِن حَيَآتِي .. ~
.....

 عندما قرأتها تخيلت لبرهة أننى سأفقد الكثير ممن حولى لأن ربى أعلم بمن هم شر

بالنسبة لى 

ماذا سأفعل حينها ...هل سأتوقف عن الدعاء أما سأحاول جاهدة أن أبحث عن أشخاص

غيرهم 

ما أصعب فراقهم ...

وما 

أصعب صدمتى فيهم 



كثيرااااا ما أردد 


 لعَلّ اللّه أراد لي الأفْضَل ♥


يا الله أرِح قلوبناً



الحمد لله رب العالمين على كل حال....


....♥....♥....♥...
بقلمى ديارا

2011-09-19

مازال البحث جارياً

فتاة مسكينة .........تمتلك الكثير من الأقنعة.....محاولة التعامل مع نوعيات البشر المختلفة التى كثرت ......ولم يعودوا بشراً كما 
كانوا.....بل أشباه بنى ءآدميين


من كثرة إرتدائها هذه الأقنعة ......التى يتوجب عليها إرتدائها عند كل لحظة تعامل مع هولاء الآشباه  بنى ءادميين .......فقدت وجهها الحقيقى وفقدت ملامحه.....................وأصبحت تبحث لها عن وجه آخر عسى أن تجده قريبًا............!!!


ومازال البحث جارياً ................فهل ستجده سريعاً...؟؟؟

بقلمى ....ديارا المصرى

2011-09-11

يوم لا ينسى

اليوم الذكرى العاشرة للهجوم على برجى التجارة العالمى فى الولايات المتحدة الأمريكية، والذى يوافق الحادى عشر من سبتمبر عام 2001

ديارا المصرى

2011-09-04

أشك


" أشك "
عنوان مقال كتبه دكتور عمرو حمزاوى ..................لسيدة قلبه كما يصفها
برغم اختلافى معه فى  بعض آرائه .......... إلا أننى استمتعت بقرائتى لهذا المقال الساحر
الذى يدافع فيه رجل عن حبه ويتحدى به من حوله
تذكرت عند قراءتى لهذا المقال القصص والروايات التى طالما عشقت قراءتها
 ********المقال*********


هل يستحق الاحترام من يدعو إلى حق كل إنسان فى أن يختار وجهة وتفاصيل حياته الشخصية والمهنية بحرية طالما تقف ممارسة حريته دون الإضرار بحرية الآخرين أو بصالح المجتمع العام ثم يغير من قناعاته هذه ما إن يتعرض لضغوط الأهل والمجتمع بشأن قرارات شخصية يؤمن هو بصوابها؟ أشك.

هل يستحق الاحترام من يدعو إلى الحق فى الاختيار ويطالب به لمجتمعه ومواطنيه ثم يجبن عن ممارسة حقه فى الاختيار فى حياته الشخصية لحسابات دور عام أو دور سياسى فى مجتمع يزعم البعض أن أغلبيته لا تقبل أن يقترب ناشط سياسى من سيدة من الوسط الفنى والإعلامى كل ذنبها هو أنها تعمل فى وسط تحيط به الأضواء الجاذبة للشائعات؟ أشك.

هل يستحق الاحترام من يدعو إلى الحق فى الاختيار ويؤمن أن الأدب والفن والموسيقى هى أصدق مجالات الإبداع الإنسانى تعبيرا عن هذا الحق وأكثرها احتفاء به ثم يتنصل من مشاعر حب صادقة لأديبة أو فنانة أو موسيقية تخوفا من نظرة دونية ظالمة من بعض الأهل أو من البعض فى المجتمع؟ أشك.

هل يستحق الاحترام من يدعو إلى الحق فى الاختيار ثم لا يقوى على تحمل تبعات ممارسة هذا الحق من قبل من اختارها قلبه ويعلم مدى روعة إنسانيتها وجمال روحها لمجرد أن مجال عملها لا يروق للبعض بين الأهل أو فى المجتمع؟ أشك.

هل يستحق الاحترام من يدعو إلى الحق فى الاختيار ثم يتهرب من مشاعر صادقة وشريفة أو يوقفها أو يصنع سياجا من السرية حولها يفقدها بعض أجمل ما بها، الوجود فى النور؟ أشك.

هل يستحق الاحترام من يدعو إلى الحق فى الاختيار ثم يعجز عن أن يخبر الرأى العام الذى حول عملا إجراميا تعرض له مع من يحب إلى قضية «صفحة أولى» بأنه راغب فى مواصلة رحلة الاقتراب من سيدة قلبه فى النور دون خوف ودون سرية وأن يطلب أن تحترم حياتهما الخاصة؟ أشك.

هل يستحق الاحترام من يدعو إلى الحق فى الاختيار ولا يقوى على مواجهة ضغوط الأهل والمجتمع التى تارة ما تطالبه بتكذيب مشاعره لسيدة قلبه بسبب عملها وهو يراه محترما ورائعا، وتارة بسبب الأصول اليهودية لفرع فى عائلتها شديدة المصرية وهو دوما ما رفض التمييز إن على أساس الانتماء الدينى أو أى انتماء آخر، وتارة ثالثة تفرض عليه التنصل من مشاعره بتصريحات زائفة تجريها على لسانه وتتناقلها وسائل الإعلام على نحو يهين من يحب؟ أشك.

هل يستحق الاحترام من يدعو إلى الحق فى الاختيار وينقلب على كل معانيه السابقة ثم يخرج على الناس ليدعوهم إلى الحرية والديمقراطية بكلام أجوف لا صدق به؟ أشك.

لست بخائف على دور عام أو سياسى يأتى على أنقاض اتساقى مع ذاتى ومع مشاعرى. لست بنادم على ضياع محتمل للدور هذا طالما أن مقابل إبعاد شبح الضياع هو خداع إنسانيتى والتنصل من مشاعر حب لإنسانة رائعة الاحترام والجمال، مشاعر حب تحتاج للنور وللعلنية وللوجود بين الناس وفى المجتمع. عازف أنا عن دور قد يذهب باحترامى لمن أحب ولذاتى ويتركنا دون بريق فى العين أو أمل فى القلب. لست بمستعد لأن أساوم على إيمانى بالحق فى الاختيار وبجوهره الإنسانى المقدس فى جميع الشرائع السماوية أو أن أفقد المعانى الكبرى للحياة وللوجود لقلق على مكاسب سياسية أو لخوف من قومى، قريبين وبعيدين. لن أضحى بمشاعر صادقة تريد النور والعلنية ولا تفعل ما يغضب الله، وكل ما أؤمل به هو أن يعترف قومى بحقى فى الاختيار ويدركوا أن حبى واحترامى لسيدة قلبى هو قناة تنفس وإكسير حياة شأنه فى ذلك شأن حبى لولدى ولأمى وللوطن.


مما قرأت
ديارا المصرى

2011-08-26

أفرد جناحك

أفرد جناجك 


*******************************
انت كل حاجه بتحلم بيها
انت املك الوحيد
وكل حاجه بتدور عليها
جوه منك بتناديك
انسا كل اللى فات
اكتب لنفسك كتاب
صحى حلمك اللى بات
زعق وقول اللى جواك

افرد جناحك وطير فى الهوا
سقفك بعيد فوق فى السما
فى لحظه سكوتك فكر
وجوا نفسك دور
ارسم لون وصور
وافتح قلبك ونور
طريقك مش بعيد
صدقنى انت مش وحيد
انت كل شيئ جديد
دلوقتى وقتك اكيد

هيحاولو دايما يبعدوك
ويغمو عينك ويرجعوك
عايزينك تعيش وتموت
وكأنك اصلا مش موجود

أغنية جاااااااامدة
 

حبيت أنقلهالكو


2011-08-21

الشحات فى السفارة

فجر يوم 21/8/2011 الذى لن ينسى

 الساعة الثانية صباح اليوم، الأحد، تم إنزال العلم الإسرائيلى من فوق سفارة إسرائيل بالجيزة، ووضع علم مصر ليرفرف مكانه.

الشاب الذى أسقط العلم الإسرائيلى: لست منتمياً لأى حزب أو تيار سياسى.. ولكنى قمت بدورى بإبلاغ إسرائيل رسالة شباب مصر الغاضب ولن نهدأ حتى نقتص لشهدائنا

 

 تسلق وأنزل علم اسرائيل من مقر سفارتها ليضع علم مصر


 البطل

أحمد الشحات عبد الفتاح سيد صقر

 هو شاب مصرى من مدينة الزقازيق بالشرقية،حاصل على دبلوم صناعى ويعمل حاليا "نقاش" بالقاهرة يعول أسرته بعد وفاة والده منذ سنوات والتى تتكون من ثلاث شقيقات وشقيق وأم

يقول الشحات: أن المكسب الوحيد من الثورة حتى الآن هو حرية الرأى والتعبير، وأن ما فعله هو تعبير عن رأيه، مؤكدا أنه يرسل رسالة إلى الكيان الصهيونى مفادها أن مصر على استعداد لتقديم المزيد من الشهداء لخدمة تراب الوطن. 

 بالنيابة عن كل المصريين أتقدم بالشكر لهذا البطل الذى لم يكتفى بمجرد الهتافات بل إستطاع فعل شيئاً نفتخر به كمصريين رداً على ما فعله الكيان الصهيونى  

  تحيــــــــــــــــــــا مصـــــــــــــــــــــر

بقلمى, ديارا

تم اقتباس بعض المعلومات من جريدة اليوم السابع


There was an error in this gadget