2011-08-21

الشحات فى السفارة

فجر يوم 21/8/2011 الذى لن ينسى

 الساعة الثانية صباح اليوم، الأحد، تم إنزال العلم الإسرائيلى من فوق سفارة إسرائيل بالجيزة، ووضع علم مصر ليرفرف مكانه.

الشاب الذى أسقط العلم الإسرائيلى: لست منتمياً لأى حزب أو تيار سياسى.. ولكنى قمت بدورى بإبلاغ إسرائيل رسالة شباب مصر الغاضب ولن نهدأ حتى نقتص لشهدائنا

 

 تسلق وأنزل علم اسرائيل من مقر سفارتها ليضع علم مصر


 البطل

أحمد الشحات عبد الفتاح سيد صقر

 هو شاب مصرى من مدينة الزقازيق بالشرقية،حاصل على دبلوم صناعى ويعمل حاليا "نقاش" بالقاهرة يعول أسرته بعد وفاة والده منذ سنوات والتى تتكون من ثلاث شقيقات وشقيق وأم

يقول الشحات: أن المكسب الوحيد من الثورة حتى الآن هو حرية الرأى والتعبير، وأن ما فعله هو تعبير عن رأيه، مؤكدا أنه يرسل رسالة إلى الكيان الصهيونى مفادها أن مصر على استعداد لتقديم المزيد من الشهداء لخدمة تراب الوطن. 

 بالنيابة عن كل المصريين أتقدم بالشكر لهذا البطل الذى لم يكتفى بمجرد الهتافات بل إستطاع فعل شيئاً نفتخر به كمصريين رداً على ما فعله الكيان الصهيونى  

  تحيــــــــــــــــــــا مصـــــــــــــــــــــر

بقلمى, ديارا

تم اقتباس بعض المعلومات من جريدة اليوم السابع


9 تعليقات:

FAW said...

فعلا بطل , فخور إني بلدياته :)

أهو ده مش ناقصه إنه يقدر يطير . . ده طار فعلا :)

أنصرنا يا رب . .

♥ مروه المقدم ♥ said...

تسلمي ياجميل علي المقاله
ودا فعلا اللي يقال
عليه انو وطنى وراجل
ربنا يحمي
ويوفقك ياكبيره

ديارا المصرى said...

FAW ...
ههههههههههههه
يا بخته فعلا أنا سعيدة أنه حقق ليا حلمى وطار
عقبااااااااااااااالى يااااااااارب
نورت

ديارا المصرى said...

♥ مروه المقدم ♥ ...
هههههههههه كبيرة مرة واحدة
مرسى لكلامك يا حبى
نورتى يا حبيبة قلبى

Mahmoud Makram said...

يا بختــه بإحساسه وهو بيشيل العلم الاسرائيلي وبيحط العلــم المصــــري
.. الراجــل ده احتــل اسرائيل لوحده
عماااااار يا مصـــر

ديارا المصرى said...

Mahmoud Makram ...
عندك حق
عماااااااااااار يا مصر

Radwa Ashraf said...

أنا أكتر من فخورة بيه بجد !!
حقق حاجة مصر كلها كان نفسها تعملها و لسة مقدرتش
تحيا مصر و رجالتها !

ديارا المصرى said...

Radwa Ashraf ...
عندك حق
كل مصرى كان يتمنى يكون مكانه ويطير زيه *ــــــ^ أولهم أنا

احساس لسه حى said...

اقصنى انى اقدر اطير


يا ريت الواحد يعرف يطير


جدع الشحات ونصف المصريين لو يعرفوا يطلعوا يشيلوا العلم كانوا شلوه والنصف التانى كان هيفرح انه اتشال

تحياتى

There was an error in this gadget